|
27.06.2010
Eygló og Kristinn metabanar á AMÍ 2010!
Eygló Ósk Gústafsdóttir Ægi og Kristinn Þórarinsson Fjölni voru iðin við að slá aldursflokkamet á AMÍ í Hafnarfirði. Auk þess bætti Eygló Íslandsmetið í 200m baksundi.
 Þar bætti Eygló Ósk Íslandsmet Eydísar Konráðsdóttur frá því 1998 í 200m baksundi um 66/100 úr sek, þegar hún synti vegalengdina á 2:14.29 mín. Auk íslandsmetsins bætti Eygló Ósk fjögur stúlknamet á mótinu í eftirtöldum sundgreinum.
Eldri met í sviga.
200m baksundi 2:14.29 (2:15.49)
400m skriðsund 4:15.57 (4:17.38) aðeins 4/10 úr sek frá Íslandsmetinu
200m fjórsund 2:18.19 (2:19.13)
8oom skriðsund 8:49.26 (8:50.42)
Glæsilegur árangur hjá Eyglóu, sem sigraði í öllum átta einstaklings- greinunum sem hún tók þátt í á mótinu. Næsta verkefni hennar er þátttaka í Evrópumeistaramóti unglinga sem fram fer í Helsinki dagana 14. - 18. júlí n.k. Það verður áhugavert að fylgjast með henni í keppni meðal þeirra bestu í Evrópu í unglingaflokki.
Kristinn Þórarinsson Fjölni er klárlega metakóngur AMÍ 2010  með samtals níu drengjamet. Þessi efnilegi piltur hefur verið iðin við að bæta metin í drengjaflokki á árinu. Hann hefur tekið stórstígum framförum í vetur og m.a. verið að bæta drengjamet sem voru í eigu Arnar Arnarsonar. Kristinn hefur bætt eftirfarandi drengjamet á AMÍ 2010.
400m skriðsund 4:16.99 (4:20.46)
200m baksund 2:07.60 (2:12.19)
200m fjórsund 2:12.35 (2:16.84)
200m skriðsund 2:01.51 (2:01.72)
100m flugsund 1:00.10 (1:01.27)
100m skriðsund 55.71 (55.72)
400m fjórsund 4:43.69 (4:48.69)
100m baksund 1:00.65 (1:01.16)
50m skriðsund 25.75 (25.76)
Það verður fróðlegt að fylgjast með Kristni á komandi árum. Næsta verkefni hans er þátttaka í stóru aðþjólegu sundmóti í Damstadt í Þýskalandi, ásamt félögum sínum í Fjölni, aðra helgina í júlí.
Telpnasveit ÍRB bætti telpnametið í 4x100m fjórsundi þegar þær syntu á 4:39.61. Þá bætti piltasveit SH piltametið í 4x50m skriðsundi, síðustu sundgrein mótsins, þegar þeir syntu á 1:38.48 mín.
Eitt met var sett í fötlunarflokki S14. Jón M. Sverrisson Fjölni bætti eigið met og synti á 4:31.23 mín.
Sundfélagið Ægir sigraði nokkuð örugglega í stigakeppni mótsins, en úrslit hennar er eftirfarandi:
Ægir 1.273,5 - ÍRB 1.109 - SH 618 - Óðinn 590 - ÍA 588 -
Fjölnir 529 - KR 457 - Breiðablik 175 - Sunddeild Ármanns 132
Vestri 102,5 - Afturelding 47 - UMSB 31 - Grindavík 13 -
Stjarnan 13 - Selfoss 1.
01.05.2010
Sigursæl á Bikar!
Um síðustu helgi fór fram í Reykjanesbæ Bikarkeppnin SSÍ. Keppt var í
1. og 2. deild. Athygli vekur hversu vel samstarfsfélögum Aqua Sport sundverslunar gekk á mótinu. Samtals unnu þau 6 af þeim 8 verðlaunum sem voru í boði.
B- kvennalið Ægis varð Bikarmeistari 2. deildar í kvennaflokki. Liðið sigraði nokkuð örugglega og fékk 11.515 stig. Í örðu sæti varð kvennalið Breiðabliks með 9.371 stig.
Karlalið Fjölnis gerði sér lítið fyrir og sigraði í 2. deildinni, eftir að hafa att kappi við B-lið Ægis um fyrsta sætið. Karlasveit Fjölnis fékk 9.907 stig og flytst upp í 1. deild að ári, þar sem þeir fengu fleiri stig en karlalið Óðins, sem var neðst í 1. deild. Sundfólkið úr Ægi og Fjölni fylltu fyrstu þrjú sætin í stigakeppni einstaklinga í 2. deild. Vel af sér vikið.
Stigahæstu einstaklingar 2. deildar:
1. Rebekka Jaferian, Ægi 1.715 stig
2. Paulina Lazarikova, Ægi 1.493 stig
3. Steingerður Hauksdóttir, Fjölni 1.430 stig
1. Kristinn Þórarinsson, Fjölni 1.489 stig
2. Daníel Hannes Pálsson, Fjölni 1.429 stig
3. Ægir Benediktsson, Ægi 1.359 stig
Myndir af verðlaunaliðum Ægis, Fjölnis og Breiðabliks.
Sundfélagið Ægir sigraði örugglega í kvennakeppni 1. deildar. Liðið skoraði 14.904 stig, en í öðru sæti varð lið ÍRB með 13.878 stig.
Karlalið Ægis varð að láta sér lynda 2. sætið í 1. deildinni, þar sem lið SH reyndist sterkara og sigraði með 525 stiga mun.
Ágætis árangur náðist í nokkrum sundgreinum á Bikarkeppninni.
Stigahæstu einstaklingar 1. deildar:
Hrafnhildur Lúthersdóttir, SH 2.215 stig
Inga Elín Cryer, Akranes 2.094 stig
Ragnheiður Ragnarsdóttir, KR 2.042 stig
Jakob Jóhann Sveinsson, Ægir 2.202 stig
Anton Sveinn McKee, Ægir 1.995 stig
Hrafn Traustason, SH 1.870 stig
 17.05.2010
Þýska sundsambandið semur við TYR!
Í dag var tilkynnt í höfðu- stöðvum TYR í Huntington Beach í Kaliforníu að fyrir- tækið hafi gert styrktar- samning við stæðsta sundsamband heims Sundsamband Þýskalands - DVS.
Hér er um stóran áfanga að ræða fyrir TYR, því innan raða DSV eru um 580 þúsund meðlimir og Þýskaland á meðal sterkustu sundþjóða í heiminum í dag.
Myndin er tekið við undirritun samningsins á milli TYR og DSV.
“Við bjóðum Þýska sundsambanið velkomið í okkar ört vaxandi TYR fjölskyldu” sagði Steve Furniss einn af framkvæmdastjórum TYR.
TYR er nú med styrktarsamninga við Spænska sundsambandið, Danska sundsambandið og Franska sundsambandið, auk þess að vera einn af aðalstyrtaraðilum Bandaríska Þríþrautarsambandsins.
15.04.2010
TYR Hurricane blautgallinn kominn
Í byrjun árs kom á markaðinn nýr blautgalli frá TYR, ætlaður fyrir þríþrautafólk. Við höfum fengið nokkra galla í kvenn- og karlagerðum.
Hurricane frá TYR hefur vakið feikna mikla athygli á meðal þríþrautafólks um allan heim. Sjá umfjöllun á TriSports.com. Hann kemur í þremur verðflokkum Cat. 1, Cat. 3 og Cat. 5.
TYR fyrirtækið hefur einnig gerst einn af aðal styrtaraðilum USA Triathlon.
Við munum á næstu vikum kynna TYR þríþrautafatnað hér á síðunni.
Kynntu þér málið á nýrri Þríþrautasíðu Aqua Sports.
09.03.2010
Fyrsta sending af TRACER B- og C- series.
Aqua Sport hefur nú fengið fyrstu sendinguna af nýju TRACER B- og C- series keppnisfatnaði í hús. Um er að ræða hnéskýlur fyrir karla, sundboli og hnésíða boli fyrir konur.
Aðeins eru nokkrir dagar síðan að þessar tvær nýju gerðir af TRACER komu á markað. Fyrsta mótið sem þessar nýju gerðir eru notaðar í keppni fór fram í síðustu viku, Grand Prix mótið í Austin, Texas. Þar syntu m.a. þau Matt Grevers og Ariana Kukors til sigur í nokkrum sundgreinum. Mesta athygli vakti sigur Grevers í 100m baksund, þar sem hann sigraði heimsmethafana í 100m baksundi í 25 og 50m laug og synti á besta tíma ársins (53.07). Heimsmethafin og heimsmeistarinn í 200m fjórsundi kvenna Ariana Kukors sigraði í 200m fjórsundi á nýju mótsmeti og besta tímanum í ár (2:10.34). Bæði syndu þau í nýjum gerðum af TRACER sundfatnaði.
meira
|
